गोस्तवनम् | Go stavanam

गोस्तवनम् 
अवतारो गवां श्रेष्ठः सर्वेषु भुवि जन्तुषु ।
यतस्तासां विकारोऽपि ह्युपकाराय जायते ॥ १॥

गच्छन्त्यः संस्थिताः सुप्ताः शकृन्मूत्रकृतोऽपि वा ।
गावः पुनन्ति लोकांस्त्रीनतो देवत्वमागताः ॥ २॥

शुभ्राः पीतास्तथा श्यामाश्चित्रा वै लोहितास्तथा ।
कुर्वते नृहृदि स्थानं गावः प्रकृतिशोभनाः ॥ ३॥

लोकेऽमृतं यथा क्षीरं गोमयं पावनं परम् ।
आयुर्घृतं तथा चैव मूत्रं रोगविनाशनम् ॥ ४॥

अपूर्वं पञ्चगव्यं च तीर्थं कल्मषनाशनम्…